Tenis en elefen
Tenis es un sporte multe interesante per atende par TV. La torneo "Australian Open 2018" ia fa me a pensa sur la terminolojia de tenis. A la prima me ia scrive un studia peti sur tenis a mea sposa (en suomi). Alora me ia scrive un proposa per la terminolojia elefen. Pos discutes con la mantenores xef de elefen, me es pronto per edita mea testo:. TENIS en elefen La idea fundal de tenis Tenis (engl. tennis ) pote es juada a du modos: 1) individual (engl. single ), lo es un contra un, o 2) duple (engl. double ), lo es du contra du. La testo seguente nara sur la tenis individual, ma la idea e la pratica es multe simil en ambos modos. Tenis es juada sur un campo de tenis (engl. tennis court ), un area retangulo. La campo es divideda a du areas, un per ambos juores, con un rede (engl. net ). La juores colpa un bal (engl. ball ) con un raceta (engl. racket ) per move la bal de la propre area a la area oposante. Afin no fali (engl. fault ), la juor debe colp...